ਸੋਮਵਾਰ ਸਵੇਰੇ 6 ਤੋਂ ਸ਼ੁੱਕਰਵਾਰ ਸਵੇਰੇ 10 ਵਜੇ ਤੱਕ ਸਾਰੀਆਂ ਦੁਕਾਨਾਂ ਖੋਲਣ ਦੇ ਆਦੇਸ਼ : ਜ਼ਿਲ੍ਹਾ ਮੈਜਿਸਟ੍ਰੇਟ, ਸਾਰਾ ਹਫ਼ਤਾ ਮੈਡੀਕਲ ਸਟੋਰ ਰਹਿਣਗੇ ਖੁੱਲ੍ਹੇ

ਬਠਿੰਡਾ: ਪੰਜਾਬ ਸਰਕਾਰ ਦੇ ਗ੍ਰਹਿ ਵਿਭਾਗ ਵਲੋਂ ਜਾਰੀ ਨਵੀਆਂ ਪਾਬੰਦੀਆਂ ਦੇ ਅਨੁਕੂਲ ਜਿਲਾ ਬਠਿੰਡਾ ਅੰਦਰ ਜਿਲਾ ਮੈਜਿਸਟ੍ਰੇਟ-ਕਮ-ਡਿਪਟੀ ਕਮਿਸ਼ਨਰ ਸ੍ਰੀ ਬੀ ਸ੍ਰੀਨਿਵਾਸਨ ਵਲੋਂ ਹੁਕਮ ਜਾਰੀ ਕੀਤੇ ਗਏ ਹਨ। ਹੁਕਮਾਂ ਅਨੁਸਾਰ ਕੋਈ ਵੀ ਸਟੇਟ ਤੋਂ ਬਾਹਰਲਾ ਵਿਅਕਤੀ ਏਅਰ, ਰੇਲ ਜਾਂ ਸੜਕ ਰਾਹੀਂ ਬਠਿੰਡਾ ਅੰਦਰ ਤਾਂ ਹੀ ਦਾਖ਼ਲ ਹੋ ਸਕੇਗਾ ਜੇਕਰ ਉਸ ਕੋਲ 72 ਘੰਟਿਆਂ ਤੋਂ ਵੱਧ ਪੁਰਾਣੀ ਨਾ ਹੋਵੇ ਕੋਵਿਡ ਦੀ ਨੇਗੈਟਿਵ ਰਿਪੋਰਟ ਜਾਂ 2 ਹਫਤੇ ਤੋਂ ਵੱਧ ਟੀਕਾਕਰਨ ਸਰਟੀਫਿਕੇਟ ਤੇ ਘੱਟੋ-ਘੱਟ ਇੱਕ ਖੁਰਾਕ ਦੀ ਵੈਕਸੀਨੇਸ਼ਨ ਲਾਜ਼ਮੀ ਹੋਈ ਹੋਵੇ।

ਜ਼ਿਲ੍ਹਾ ਮੈਜਿਸਟੇ੍ਰਟ ਨੇ ਕਿਹਾ ਕਿ ਜ਼ਿਲ੍ਹੇ ਚ ਸੋਮਵਾਰ ਸਵੇਰੇ 6 ਤੋਂ ਸ਼ੁੱਕਰਵਾਰ ਸਵੇਰੇ 10 ਵਜੇ ਤੱਕ ਬਰੈਡ, ਸਬਜ਼ੀ ਤੇ ਫ਼ਰੂਟ ਦੀਆਂ ਦੁਕਾਨਾਂ ਖੋਲੀਆਂ ਰਹਿਣਗੀਆਂ। ਇਸ ਤੋਂ ਇਲਾਵਾ ਸੋਮਵਾਰ ਸਵੇਰੇ 6 ਤੋਂ ਸ਼ੁੱਕਰਵਾਰ ਦੁਪਿਹਰ 2 ਵਜੇ ਤੱਕ ਸਾਰੀਆਂ ਸ਼੍ਰੇਣੀਆਂ ਦੀਆਂ ਦੁਕਾਨਾਂ ਸਮੇਤ ਕਰਿਆਣਾ ਦੀਆਂ ਦੁਕਾਨਾਂ ਖੁੱਲ੍ਹੀਆਂ ਰਹਿਣਗੀਆਂ। ਇਸ ਤੋਂ ਇਲਾਵਾ ਸਾਰਾ ਹਫ਼ਤਾ ਮੈਡੀਕਲ ਸਟੋਰ ਤੇ ਘਰ-ਘਰ ਦੁੱਧ ਪਹੁੰਚਾਉਣ ਵਾਲੇ ਵਿਕਰੇਤਾਵਾਂ ਨੂੰ ਛੋਟ ਹੈ।

ਸਾਰੇ ਰੈਸਟੋਰੈਂਟ, ਹੋਟਲ ਕੈਫੇ ਦੁਕਾਨਾਂ ਫਾਸਟ ਫੂਡ, ਢਾਬੇ, ਮਿੱਠੇ ਤੇ ਬੇਕਰੀ ਦੀਆਂ ਦੁਕਾਨਾਂ ਆਦਿ ਬੰਦ ਰਹਿਣਗੀਆਂ ਅਤੇ ਸ਼ਾਮ 9 ਵਜੇ ਤੱਕ ਘਰ ਦੀ ਸਪੁਰਦਗੀ ਲਈ ਕੰਮ ਕਰ ਸਕਦੇ ਹਨ। ਰੈਸਟੋਰੈਂਟਾਂ ਵਿਚ ਫਾਸਟ ਫੂਡ ਪੁਆਇੰਟ ਦੀਆਂ ਕੌਫੀ ਸ਼ਾਪ ਤੇ ਬੈਠਣ ਦੀ ਕੋਈ ਆਗਿਆ ਨਹੀਂ ਹੋਵੇਗੀ।